Dous homes permanecen detidos nos calabozos da Policía Nacional como presuntos responsables dunha brutal agresión no local Los 3 Monos de Aguete, en Marín.
Fontes oficiais confirman que se lles atribúen os delitos de lesións, resistencia á autoridade, danos, furto e estafa.
Como consecuencia da súa brutal agresión, resultaron feridas graves dúas persoas, o propietario do local e a súa nai. Segundo puido saber este xornal, á muller causáronlle fracturas nas dúas mans e provocáronlle unha grave lesión na cabeza cun vaso e ao home rompéronlle varias costelas.
Os dous sospeitosos agrediron a estas dúas persoas e tamén causaron danos no local.
Ademais, cando a Policía Nacional chegou ao local para actuar, resistíronse, por iso é polo que se lles atribúe o delito de resistencia. Logo, causaron danos nun coche patrulla, ao que romperon un portelo.
Os feitos ocorreron na noite do sábado, 1 de marzo, neste coñecido local de Aguete e está previsto que os detidos sexan postos a disposición xudicial o luns.
Segundo a información á que tivo acceso PontevedraViva, estes mesmos individuos xa tiveran problemas noutro local de Marín na tarde do sábado. Nese negocio, subtraeron un cartón de crédito e logo pagaron con el.
Horas máis tarde, protagonizaron este incidente en Aguete. Segundo indicaron testemuñas dos feitos, levaban xa horas no local cando protagonizaron este grave inciente. Estiveran bebendo alcol e finalmente enfrontáronse ao responsable e á súa nai, que saíu na súa defensa.