Dúas persoas resultaron feridas graves tras sufrir un accidente na variante de Caldas, despois de que chocaran un coche e unha furgoneta.
O sinistro rexistrouse sobre o cinco da madrugada, segundo informou o 112 Galicia, no kilometro 100 da N-550.
Como consecuencia do impacto, a furgoneta quedou envorcada sobre a calzada e o turismo comezou a arder.
Unha das vítimas, precisamente o condutor da furgoneta, tivo que ser excarcerada polos bombeiros do parque comarcal de Ribadumia.
Do mesmo xeito que outro dos implicados, o condutor do turismo, tivo que ser trasladada en ambulancia do servizo de Urxencias Sanitarias de Galicia-061 a un hospital.
As outras dúas persoas que viaxaban con eles, veciñas da Coruña e A Estrada, resultaron ilesas.
Os servizos de emerxencia sosteñen que, no momento do accidente, as condicións meteorolóxicas na zona eran extremadamente adversas.
Até ao lugar acudiron axentes da Garda Civil de Tráfico e da Policía Local de Caldas, efectivos do servizo de emerxencias de Cuntis e voluntarios de Protección Civil de Caldas.
Ademais, persoal do servizo de mantemento de estradas presentáronse no lugar para retirar da calzada os restos do accidente.