A avenida de Ourense xa está preparada para acoller a substitución do colector xeral así como a nova impulsión contemplada, unhas obras que se executarán practicamente en paralelo á mellora do bombeo do río Lameira e a súa conexión co novo colector.
Os investimentos nesta actuación contemplada no Plan de Saneamento da Ría ascenden a 2.841.883,35 euros para a execución da obra, ademais doutros 127.316,15 euros para a súa dirección.
Durante o mes de agosto realizáronse catas por tramos na beirarrúa máis próxima ao valo do porto, tratando de definir con exactitude a ocupación deste novo colector no tramo que vai desde a intersección coa rúa da Estrada ata o inicio da praza Marqués de Valterra.
Desde o goberno local esperan que "con estas dúas actuacións estratéxicas e fundamentais póidase garantir o bo funcionamento do sistema de saneamento de practicamente todo o termo municipal".