A maxistrada do Xulgado de Instrución número 3 de Cambados decretou este luns a posta en liberdade con cargos do mozo de 27 anos detido o pasado sábado en Sanxenxo por atropelar a outro home, segundo informou o Tribunal Superior de Xustiza de Galicia (TSXG).
O suceso ocorreu sobre as 19,00 horas na parroquia de Nantes, onde este home supostamente atropelou intencionadamente a outro, encaixándoo contra un muro de pedra.
O home ferido foi trasladado ao Hospital Montecelo de Pontevedra ao recibir un forte golpe na perna polo atropelo.
Agora, o Xulgado decretou a posta en liberdade do detido, aínda que está investigado por un delito de lesións graves.