Enrique Sotelo foi o arquiveiro municipal en Pontevedra durante máis de 35 anos. Xubilouse o pasado mes de maio. Seis meses despois vén de ser despedido oficialmente polo Concello.
Foi nunha recepción oficial na que participou o alcalde, Miguel Anxo Fernández Lores, que lle agradeceu o traballo realizado á fronte do Arquivo Municipal e trasladoulle os seus mellores desexos na nova etapa vital que acaba de iniciar.
Esta despedida foi atrasada por cuestións relacionadas coa covid-19 e as restricións derivadas da pandemia.
Nela, xunto o alcalde, tamén estiveron o director xeral da Alcaldía, Xosé Manuel Tato, a arquiveira interina, Paula Boullosa, e a adxunta á xefatura de servizo, Margarita Veiga.