Ata o próximo 17 de febreiro a camelia ocupa a Praza de Santa María coa exposición 'A camelia, flor das galegas e dos galegos' que promove a Sociedade Española da Camelia en colaboración coa Deputación de Pontevedra.
Unha vez concluída na capital, a mostra levarase aos concellos da provincia nos que se organicen exposicións sobre esta flor.
A iniciativa expositiva consta de catorce paneis con referencias de todo tipo á camelia. As súas variedades, os seus nomes, os seus coidados, a súa historia, xardíns destacados en Galicia, a súa versatilidade xa que se extraen tés, aceites, produtos capilares, marmeladas, vermús ou mesmo galletas.
Tamén hai tótems divulgativos sobre persoas de diversos sectores relacionadas con esta flor ou figuras destacadas que gardan estreita relación coa camelia.
Con motivo da súa apertura ao público, a deputada de Turismo, Nava Castro, achegouse para visitar esta exposición que é "unha experiencia cento por cento Rías Baixas xa que a camelia é un símbolo para as galegas e galegos, algo que nos identifica e co que tamén nós sentímonos moi identificados", dicía, lembrando o atractivo turístico que supón e todo o que dos camelios extráese.
Nese sentido citou o importante traballo que con este produto realizan na Estación Fitopatolóxica de Areeiro.