Ence continúa adiante coa presentación e firma dos convenios da última edición do seu Plan Social Pontevedra, neste caso na área de apoio á actividade deportiva e a proxectos de recuperación e coidado da contorna.
Un total de 138 proxectos da comarca de Pontevedra, individuais, de clubs e de eventos deportivos da comarca, resultaron beneficiarios nesta edición do Plan. Isto supón un importante apoio a un elevado número de deportistas e entidades dos concellos de Pontevedra, Poio e Marín.
Poio Fútbol Sala, Marin Futsal, Baloncesto Arxil, Club Baloncesto PeixeFresco Marín, Club Cisne de Balonmán, Club Natación Galaico, Club Deportivo La Peña, e Club de Badminton Ravachol Pontevedra son algunhas das entidades cuxos proxectos resultaron beneficiarios.
Ademáis, 52 entidades da comarca recibirán achegas para levar a cabo os seus proxectos de recuperación e coidado da contorna, como a Asociación de Comerciantes da Praza de Abastos de Marín, Asociación de Acollida e
Adpoción de Cans Os Palleiros, ANPA As Kirikas, Asociación Centro Comercial Local Estrela de Marín, Comunidade de Montes de Lourido, Comunidade de Montes Veciñais de Verducido ou a empresa de inserción laboral Properdis.
Os proxectos seleccionados traballan desde a recuperación de carreiros verdes a proxectos de concienciación cara á natureza e a reciclaxe. Todo iso apostando e fomentando a convivencia respectuosa entre o ser humano e o medio.