Un total de 65 centros sociais da área territorial de Pontevedra recibiron case 65.000 novas unidades de material de protección ante o coronavirus, remitidas pola Xunta de Galicia.
En conxunto, segundo informa o goberno galego, foron 25.200 luvas, 36.200 máscaras cirúrxicas e 46 batas plásticas, así como diverso material de limpeza e desinfección como xel hidroalcohólico ou garrafas de desinfectante.
Deste último envío queda pendente a entrega de 2.100 calzas e 700 gorros.
A administración autonómica asegura que todo o material entregado, cumpre estritamente co procedemento do Ministerio de Sanidade con respecto ao seu uso, foi inspeccionado e está en perfectas condicións para poder ser usado.
Este envío súmase ao enviado a pasada semana, cando se entregaron un total de 68.190 unidades de material de protección con destino a estes mesmos centros.