O espectacular incendio que se declarou nun turismo tivo atarefados aos servizos municipais de emerxencias en Sanxenxo.
O suceso rexistrouse onte á noite no lugar de Touticeira (Vilalonga).
Segundo confirmou o Concello de Sanxenxo, non houbo feridos no incendio.
O condutor do coche foi alertado por outro cando estaba a circular ao apreciar que saía fume do vehículo.
Grazas a ese aviso, o seu propietario tivo tempo de aparcar o coche.
Ao pouco tempo de saír do seu interior, o vehículo empezou a arder até quedar totalmente calcinado.
No operativo de extinción das chamas participaron, entre outros, efectivos de Emerxencias de Sanxenxo e axentes da Policía Local.
