Os veciños da rúa Médico Ballina, en Lérez, leváronse este luns un susto maiúsculo debido ás detonacións efectuadas nas obras da AVE a escasos metros das súas casas.
As explosións comezaron cara as 15:00 horas alertando aos habitantes próximos pola súa intensidade, como relata unha veciña da zona, "no era normal, hubo tres o cuatro explosiones, empezó a temblar el piso y pensé, esto o fue un terremoto o los del AVE".
Ata dous vehículos estacionados a pouca distancia das obras do túnel ferroviario víronse afectados e varios cascotes chegaron a caer na vía pública, segundo contan uns obreiros que se encontraban preto, "houbo pedras que chegaron a bater contra ou edificio".
A pesar da preocupación expresada polos residentes das vivendas próximas, que chegaron a chamar á Policía Nacional, as detonacións continuaron ao longo da tarde, aínda que xa con menor intensidade.