Son estudantes que forman parte da xeración de nativos dixitais ata o punto de que algúns deles teñen contas en redes sociais e manéxanse con máis facilidade co móbil que os adultos. Os estudantes de primeiro de ESO do Instituto de Ensino Secundario Torrente Ballester de Pontevedra visitaban as instalacións de PontevedraViva e PontevedraViva Radio para coñecer por dentro como se elabora a información en formato dixital.
Desta forma, os estudantes de tres clases deste centro puideron comprobar como se desenvolve o día a día nun medio de comunicación e mesmo algúns deles chegaron a escribir as súas propias informacións para probar como é o oficio de xornalistas.
Se cadra, nos vindeiros anos, algúns deles sexan os encargados de redactar as novas locais.