Unha traballadora, identificada como S.O.P. de 51 anos, foi evacuada este luns pola tarde ao Hospital do Salnés tras sufrir un accidente laboral no Polígono Industrial Sete Pías de Cambados.
Segundo informou o Servizo de Emerxencias do Concello de Cambados, a muller sufriu a amputación dunha falanxe distal do dedo corazón.
Ademais tamén se produciu o esmagamento doutra falanxe distal do dedo anular, segundo as mesmas fontes.
Ata o lugar do accidente desprazouse unha ambulancia do 061, que procedeu ao traslado da ferida ao centro hospitalario.
Na intervención tamén colaborou a Policía Local de Cambados.