A Consellería do Medio Rural e do Mar ten informado da extinción do incendio forestal rexistrado no concello de Ponte Caldelas, que calcinou unha superficie estimada de 600 hectáreas.
O lume, iniciado o mércores ás 20.25 horas na parroquia de Castro Barbudo, deuse por extinguido ás 13.00 horas deste sábado.
Segundo as estimacións provisionais, a superficie afectada sitúase no ámbito das 600 hectáreas, das cales 550 son arboredos e 50 rasas.
Na extinción deste lume participaron tres técnicos, 31 axentes forestais, 91 brigadas, 34 motobombas, 10 pás, sete helicópteros e seis avións. Tamén traballaron na zona efectivos da Unidade Militar de Emerxencias (UME).
Engade Pontevedra Viva como fonte preferida de Google de balde
Mantente informado coas últimas noticias de actualidade.