Na tarde deste martes o buque arrastreiro conxelador Severnana Zemlya, de bandeira rusa, varou nas bancadas de Factoría Naval para efectuar labores de mantemento e reparación.
Coa chegada deste barco as instalacións do estaleiro marinense encóntranse a pleno rendemento, xa que ademais dos traballos nesta nova embarcación, o plantel de Factoría Naval e varias empresas auxiliares levan varias semanas traballando nos atuneiros Ugavi e Ugavi II, encontrándose este último no peirao de reparación situado no Porto de Marín.
A estanza do arrastreiro ruso prolongarase por espazo de 15 ou 20 días.