Unha muller resultou ferida grave despois de sufrir un atropelo cando cruzaba un paso de peóns da estrada PO-308 en Poio.
Segundo informaron fontes oficiais da Policía Local de Poio, o suceso ocorreu ás 11.30 horas na avenida de San Xoán.
Unha ambulancia do 061 trasladou á muller ferida a un centro hospitalario cun golpe na cabeza, o seu estado é grave.
Ao lugar do accidente acudiu unha patrulla da Garda Civil.
A Policía Local investiga o accidente e baralla dúas posibles causas, por unha banda a "velocidade inadecuada", como revela a freada de doce metros que deixou o vehículo.
Ademais apúntase como outro factor que puido influír neste accidente ao cegamento polo sol ao estar moi baixo.
As probas de consumo de alcol e de drogas practicadas ao condutor deron un resultado negativo.
A muller é veciña de Poio e estaba a cruzar o paso de peóns co carriño da compra.