O Servizo de Emerxencias do Concello de Cambados actuou este martes nun accidente de tráfico entre un turismo e unha motocicleta ocorrido na rúa Pardo Bazán da localidade.
O condutor da motocicleta, F.J.M.F., de 54 anos e veciño de Cambados, resultou ferido,
O home tivo que ser evacuado ao Hospital do Salnés con laceracións na cara e dor lumbar, torácica e na cadeira esquerda.
Segundo indicaron testemuñas presenciais do accidente, o turismo saíu do cruzamento onde se atopaba o sinal de Stop sen ver a motocicleta que circulaba polo seu carril, o que provocou a colisión frontolateral entre ambos os vehículos.
Na intervención colaboraron tamén axentes da Policía Local de Cambados e a ambulancia do 061, que se encargou do traslado do ferido ao centro hospitalario.
