Un home resultou ferido nun accidente de circulación en Cambados.
Víronse involucrados un coche e unha moto.
O ferido é precisamente o motorista, que necesitou ser atendido polos profesionais do 061 a causa do golpe sufrido.
O suceso produciuse minutos despois do mediodía deste sábado 7 de decembro na Avenida de Vilagarcía.
Trátase dun motorista de 22 anos de idade.
Segundo o Servizo de Emerxencias do Concello de Cambados, que interveu no dispositivo, o ferido queixábase de dor cervical e lumbar.
Por mor diso foi evacuado en ambulancia ao Hospital do Salnés.
Na intervención colaboraron tamén axentes da Policía Local de Cambados.