Unha persoa, traballador dos servizos de recollida de lixo, resultou ferida á primeira hora deste sábado 13 de marzo tras sufrir un accidente na AP-9 ao seu paso polo Concello de Barro.
O 112 Galicia tivo constancia do accidente ao redor das 4.15 horas da madrugada, pola chamada doutro condutor que circulaba en sentido contrario e que se atopou ao camión do lixo envorcado, informa o servizo de Emerxencias.
Os servizos sanitarios desprazáronse ao momento para atender ao condutor, que saíu polos seus propios medios do interior do vehículo.
O alertante indicou ademais que o camión, cargado de lixo, perdía moito combustible, polo que se reclamou a presenza dos Bombeiros do Salnés e do persoal de mantemento da autoestrada.
Debido a esa vertedura, que foi contido polos profesionais, procedeuse ao corte dun carril de circulación da AP-9, en sentido A Coruña, mentres se prolongan os traballos da retirada da carga do vehículo sinistrado.