Un condutor resultou ferido tras chocar coa súa furgoneta contra un poste da luz en Noalla, na estrada da igrexa.
Segundo informou o Concello de Sanxenxo o condutor foi trasladado por unha ambulancia ata un centro sanitario para ser atendido das súas feridas que, en principio, non parecen graves.
Mentres tanto a estrada permanece cortada á espera da empresa subministradora xa que o poste da luz quedou cruzado en metade da vía.
Ao lugar do suceso acudiron efectivos de Emerxencias Sanxenxo, da Policía Local e a Garda Civil.