Unha iniciativa veciñal baixo o lema 'En Figueirido imos dar as badaladas' poñerase en marcha este domingo 31 de decembro cunha despedida do ano ao mediodía da xornada.
Ás 11.45 o Parque de Figueirido acollerá a actuación especial da Banda da Escola de Música de Vilaboa que dará paso á toma de uvas tradicional, pero con doce horas de antelación.
É necesario que quen queira participar destas badaladas leve as súas doce uvas para tomalas nesta sesión diúrna.
Desde a organización, coa que colabora o Concello de Vilaboa, indican que tamén está prevista a apertura dunha pequena cantina con bebidas para as persoas asistentes e chocolate á venda.