Despois de cinco días de celebración gastronomica, musical e tradicional a Festa do Mar de Combarro chega este domingo ao seu final.
Faino presumindo, na súa XVII edición, do seu poder de convocatoria cunha grande afluencia de visitantes ao longo de cada unha das xornadas.
Tamén a deste domingo, con varios puntos fortes como a XXII Concentración de Embarcacións Tradicionais ou o peche da V Mostra da Canción Mariñeira.
Ademais da mostra gastronómica, a programación do último día de festa péchaa a orquestra Capitol cunha actuación ás 22:00 horas na Praza da Chousa.