A Praza da Granxa acolle esta fin de semana unha nova edición da Oktoberfest de Campelo, en Poio, que trae ata Poio unha das citas máis típicas da gastronomía alemá.
Será este venres 3 e este sábado 4 de outubro, nunha cita que mestura cervexa con gastronomía de calidade e música en directo.
A súa undécima edición botará a andar o venres ás 20.00 horas. Ademais das actuacións de Son das Tabernas e DJ Arro, organizarán ludotecas infantís no local social.
O sábado a sesión vermú será a partir das 13.00 horas coa música en directo de Terapia de Grupo e pola tarde organizaranse xogos populares na Praza da Granxa.
Pola noite, haberá concertos da Orquestra Neverloura e DJ Arrow e actividades para os máis pequenos.
Na parte gastronómica, haberá degustación de diferentes tipos de cervexa e variedades de salchichas, codillos e hamburguesas a prezos populares.
Haberá un autobús lanzadeira que funcionará de xeito gratuíto o sábado desde as 21.00 ata as 03.00 horas, con saída da igrexa de San Roque, en Pontevedra.
Fará percorrido polo Pazo de Ferreirós, Combarro, A Seara e Campelo.
O alcalde, Ángel Moldes, e os edís de Festexos e Cultura, Fran Dasilva e Natalia Sabarís, presentaron a festa este martes acompañando á Asociación Cultural e Deportiva de Campelo.
Para Moldes, a cita é "unha oportunidade para seguir dinamizando o lugar de Campelo". Trátase dunha festa "totalmente consolidada" da que destaca que é "familiar, cun público moi fiel edición tras edición".