Augas de Galicia finalizou as obras da rede de sumidoiros nos lugares de Pereiro e Cadrelo, na parroquia de Santo Tomé de Piñeiro. Rematan estos días as acometidas dos veciños para poder en próximas datas poñer en servizo esta rede, coa alta da liña de Fenosa para os bombeos que foron revisados este martes por persoal técnico da empresa Naróm, adxudicataria destes ramais.
A actuación contou cun investimento de arredor de 540.000 euros, que se suman aos investimentos da obra de saneamento de Pereiro - O Pozo.
Estas dúas actuacións están recollidas no convenio asinado en 2010 entre a Xunta e o Concello, polo que se desenvolveron varias infraestruturas hidráulicas no rural e do cal xa se executaron actuacións por máis de 1,5 millóns de euros, cofinanciados polo Fondo Europeo de Desenvolvemento Rexional (Feder).
Grazas a estas obras, os núcleos de Miñán, A Troncosa e A Esperela disporán dunha infraestrutura de saneamento que lles permite conectarse coas redes municipais de saneamento máis próximas e xa existentes, como é a da parroquia de San Tomé de Piñeiro ou a da parroquia do Campo. O investimento desta actuación foi de 753.000 euros.