O Boletín Oficial do Estado do luns 17 de marzo publica a resolución do Director Xeral de Estradas, con data 28 de febreiro de 2014, de aprobar provisionalmente o Documento Técnico "Integración da avaliación ambiental do proxecto Vilaboa-A Ermida. Autovía A-57", que inclúe o correspondente Estudo de Impacto Ambiental.
Ou dito doutro modo o Ministerio de Fomento acaba de iniciar o proceso público de avaliación do impacto ambiental do primeiro tramo da futura circunvalación de Pontevedra, entre Vilaboa e Marcón.
Este tramo Vilaboa-A Ermida da futura autovía A-57 ten aprobados dende o 9 de abril de 2013 o seu proxecto construtivo, con trazado e presupostos definitivos e as expropiacións realizáronse entre outubro e novembro pasado en Vilaboa e Pontevedra.