José Ramón Gómez Besteiro, delegado do Goberno en Galicia, visitaba este venres o municipio de Cerdedo-Cotobade para coñecer a problemática da contorna da N-541. Durante o percorrido estivo acompañado por Ana Couto, candidata do PSdeG-PSOE á alcaldía.
Achegáronse ata a Ponte de Pedre, o punto no que se rexistraba o tráxico accidente de autobús no nadal de 2022 no que falecían seis persoas que circulaban neste medio de transporte.
O delegado do Goberno insistiu no compromiso do Goberno de reforzar a seguridade viaria nesta estrada de titularidade estatal e lembrou o investimento de máis de catro millóns de euros prevista para esta mellora.
O proxecto contempla a reforma do firme ao longo dun tramo de 17 quilómetros da N-541, entre o punto quilométrico 51, situado en Forcarei, e o 68 xa en terreos de Cerdedo-Cotobade.
Segundo o delegado, esta reforma será licitada no menor tempo posible, segundo indicaron desde o Ministerio de Transportes, Movilidad e Axenda Urbana.