Gratín de patacas con bechamel de cabala Pescamar

Nesta nova entrega de "A cociña gourmet en conserva", da man de Conservas Pescamar, imos preparar unha sinxela receita ideal como primeiro prato: Gratín de patacas con bechamel de cabala Pescamar.

Neste prato imos aproveitar todos os beneficios e bo sabor da cabala, un dos peixes azuis máis apreciados pola súa graxa e a súa achega en Omega 3.

Para cociñar un saboroso Gratín de patacas con bechamel de caballa Pescamar necesitamos os seguintes ingredientes:

- 2 latas de Filetes de Cabala do Sur en aceite de xirasol Pescamar

- 2 patacas grandes

- 2 ovos cocidos

- 1/2 l de leite

- 70 g de manteiga

- 70 g de fariña

- sal

- pementa branca

- noz moscada

- queixo parmesano relado

Preparación:

Pelamos e cortamos as patacas en toros do tamaño similar ao que usamos para cociñar unha tortilla. Salgámolas e fritimos en abundante aceite. Cando estean feitas, colocámolas estendidas sobre unha fonte de forno. Reservamos.

Para preparar a bechamel, comezamos poñendo nunha tixola quente a manteiga. Cando estea derretida, agregamos a fariña e tostámola lixeiramente. Vertemos o leite aos poucos mentres remexemos para que se mesturen todos os ingredientes.

Cocemos a lume lento e seguimos removendo ata lograr unha salsa cremosa. A continuación, engadimos sal, pementa e noz moscada, ao gusto.

En último lugar, incorporamos o contido das latas de Filetes de Cabala do Sur en aceite de xirasol Pescamar, previamente escurrido, e mesturamos ben.

Picamos os ovos cocidos e repartímolos por enriba das patacas que reservaramos. Cubrimos coa bechamel e, por último, o queixo relado.

Introducimos a fonte no forno prequentado a 200 graos e gratinamos uns 15 minutos, ata que a superficie empece a dourarse.

Servimos na mesma fonte.

En dúas semanas, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.