Os servizos de emerxencia acudiron este domingo a un accidente de tráfico ocorrido en Cambados. Concretamente á altura do número 51 da rúa Río Ucha, na parroquia de Corvillón.
Segundo informaron, un mozo duns vinte anos que conducía un Opel Agila perdeu o control do vehículo chocando contra outro turismo que estaba estacionado nesta estreita rúa. Como consecuencia do choque o seu coche acabou envorcado na calzada.
O sinistro tivo lugar ás sete da mañá deste domingo.
O mozo, que deu negativo na proba de alcoholemia, apenas sufriu uns arañazos na man.
Engade Pontevedra Viva como fonte preferida de Google de balde
Mantente informado coas últimas noticias de actualidade.