Manuel Campos, alcalde de Cuntis, participaba na inauguración da exposición 'Autismo somos tod@s' na Casa da Cultura do municipio.
Trátase de traballos que realizaron escolares do Servizo de Atención Temperá da Agrupación de Concellos de Cuntis, Barro, Caldas de Reis, Catoira, Moraña e Portas, con motivo do Día Mundial do Autismo que se conmemorou o 2 de abril.
A intención desta mostra de debuxos infantís é visibilizar e sensibilizar a toda a sociedade sobre este trastorno.
Desde o Concello de Cuntis convidan a toda a cidadanía a visitar estas obras na Casa da Cultura Roberto Blanco Torres ata o 15 de abril, en horario de 10.00 a 13.00 e de 16.00 a 21.00 horas; de luns a venres, e de 10.30 a 13.30 durante os sábados.