O xulgado de primeira instancia e instrucción número 1 de Caldas de Reis, decretou o ingreso en prisión comunicada e sen fianza dun home de 28 anos, veciño de Portas.
Este individuo foi detido por axentes da Garda Civil de Caldas de Reis como presunto autor dun delito de roubo con forza nas cousas e dous delitos por roubo e uso de vehículos, feitos ocorridos nas localidades de Caldas de Reis e Portas.
Segundo informaron fontes oficiais do instituto armado, este mozo conta con números antecedentes penais por feitos similares.
Ademais, ao detido constábanlle tres requisitorias xudiciais de procura, detención e personación, unha delas pola súa implicación na autoría dunha agresión sexual.
Unha vez obtidas as evidencias suficientes contra el, a Garda Civil incautou diversos aparellos electrónicos e obxectos procedentes entre outros dun roubo con forza realizado no mes de agosto de 2024 na subestación eléctrica de Tivo de Caldas de Reis.
Todo o material incautado está valorado en unos 8.000 euros.
Ao detido tamén se lle imputou un delito contra a seguridade do tráfico por conducir un vehículo a motor carecendo do permiso de condución por perda da vixencia do mesmo.
No dispositivo de entrada e rexistro do seu domicilio participaron axentes do Posto da Garda Civil de Caldas de Reis e de Cambados, ademais da Unidade de Seguridade Cidadá de Pontevedra.
A operación continúa aberta co fin de pescudar a identidade dos propietarios dos obxectos recuperados.
Os obxectos recuperados estarán expostos no acuartelamento de Caldas de Reis en horario de 08:00 a 14:00 horas de luns a venres para a súa identificación polas persoas que teñan interposto denuncia por roubos nos seus domicilios ou establecementos.