O Concello de Sanxenxo informou da aparición dunhas bolas brandas e pegañentas na praia de Areas.
O achado tivo lugar na mañá deste venres e por agora descoñécese a súa procedencia.
Segundo esta fonte oficial, estas pequenas bolas, unhas dez, atopáronse nun dos extremos do areal, nunha zona coñecida como Praia dos Mortos.
Mentres se investiga a súa orixe e composición, o persoal municipal do Servizo de Praias xa as retirou.
Ademais fixeron unha batida pola zona para comprobar que non houbese ningunha máis nas inmediacións.
Desde o Concello de Sanxenxo informan que a zona será vixiada durante a tarde por se aparecesen máis.
Barállase a posibilidade de que estas bolas proveñan dalgún barco ou que sexa parte do material co que se protexe as bateas.