As molestias dixestivas, a mala tolerancia a determinados alimentos ou os síntomas persistentes sen unha causa clara forman parte do día a día dunha parte crecente da poboación. Este tipo de problemas están cada vez máis presentes e relaciónanos cos hábitos alimentarios, a tensión e o estilo de vida actual.
Estímase que cerca do 50% da poboación española presenta algún trastorno dixestivo ao longo da súa vida. En moitos casos, estas molestias conviven con dificultades para identificar a súa orixe, especialmente cando existen intolerancias alimentarias ou alteracións dixestivas non diagnosticadas.
Para dar resposta a estes pacientes, o laboratorio do Hospital Quirónsalud Miguel Domínguez ampliou a súa oferta diagnóstica coa incorporación de probas xenéticas e análises avanzadas, orientados a facilitar un diagnóstico máis preciso e personalizado.
ESTUDOS XENÉTICOS E INTOLERANCIAS: UNHA DEMANDA CRECENTE
"O interese polas intolerancias e a resposta do organismo a determinados alimentos creceu de forma notable nos últimos anos. Diversos estudos clínicos apuntan a que entre un 20 e un 30% da poboación podería presentar algún tipo de intolerancia ou sensibilidade alimentaria, a miúdo sen diagnosticar", destaca María Prieto, responsable do servizo de Laboratorio.
Entre as probas dispoñibles inclúense estudos xenéticos que permiten coñecer a predisposición a intolerancias como a lactosa, a fructosa ou o gluten, así como estudos relacionados coa enfermidade celíaca. Estas análises axudan a explicar síntomas dixestivos persistentes e a orientar mellor o proceso diagnóstico.
A diferenza doutras probas, os estudos xenéticos non dependen da inxesta previa de alimentos, xa que analizan a predisposición do organismo a metabolizar determinados compoñentes da dieta. Isto resulta especialmente útil en persoas con síntomas recorrentes ou con antecedentes familiares.
Estas probas compleméntanse con análises de sensibilidade a múltiples alimentos, que permiten detectar posibles reaccións do organismo. Este tipo de respostas pode manifestarse en forma de hinchazón abdominal, gases, diarrea, cansazo tras as comidas, cefaleas ou malestar xeral.
"É frecuente que o paciente relacione estes síntomas con comidas concretas, pero sen chegar a identificar exactamente que os provoca", explica María Prieto, a responsable do laboratorio. "As probas xenéticas achegan información obxectiva que axuda ao médico a orientar mellor o diagnóstico e a evitar dietas restritivas innecesarias", indica.
Xunto aos estudos xenéticos, o laboratorio incorporou análises relacionadas co metabolismo, probas asociadas a hemicrania e outros síntomas persistentes, así como estudos de microbiota intestinal, un ámbito cada vez máis relevante pola súa relación coa saúde dixestiva e xeral.
MÁIS CAPACIDADE ASISTENCIAL E ATENCIÓN CONTINUADA
Esta ampliación acompañouse dun reforzo da capacidade asistencial. A área de extraccións conta agora con tres boxes, o que permite atender a máis pacientes e mellorar a calidade do servizo.
O laboratorio presta atención as 24 horas do día, os 365 días do ano para pacientes hospitalizados e de Urxencias. Atende tamén a pacientes ambulatorios, con horario de extraccións de luns a venres. O acceso está aberto a calquera prescrición médica, tanto do ámbito público como privado.
As probas realízanse a partir de mostras sinxelas, principalmente de sangue ou outras mostras biolóxicas. Os resultados poden consultarse e compartirse de forma dixital, facilitando o seguimento médico e a continuidade asistencial.
Con esta ampliación, o Hospital Quirónsalud Miguel Domínguez pon a disposición da poboación ferramentas diagnósticas avanzadas para abordar problemas dixestivos frecuentes e evitar que os síntomas se cronifiquen sen unha explicación clara.
SOBRE QUIRÓNSALUD
Quirónsalud é o grupo de saúde líder en España e, xunto coa súa matriz Fresenius-Helios, tamén en Europa. Ademais da súa actividade en España, Quirónsalud está tamén presente en Latinoamérica. Conxuntamente, conta con máis de 50.000 profesionais en máis de 180 centros sanitarios, entre os que se atopan 57 hospitais con máis de 8.000 camas hospitalarias. Dispón da tecnoloxía máis avanzada e dun gran equipo de profesionais altamente especializado e de prestixio internacional. Entre os seus centros, atópanse o Hospital Universitario Fundación Jiménez Díaz, Centro Médico Teknon, Ruber Internacional, Hospital Universitario Quirónsalud Madrid, Hospital Quirónsalud Barcelona, Hospital Universitari Dexeus, Policlínica Gipuzkoa, Hospital Universitari General de Catalunya, Hospital Quirónsalud Sagrado Corazón, etc.
O Grupo traballa na promoción da docencia (once dos seus hospitais son universitarios) e a investigación médico-científica (conta co Instituto de Investigación Sanitaria da FJD, acreditado polo Ministerio de Ciencia e Innovación).
Así mesmo, o seu servizo asistencial está organizado en unidades e redes transversais que permiten optimizar a experiencia acumulada nos distintos centros e a translación clínica das súas investigacións. Actualmente, Quirónsalud está a desenvolver multitude de proxectos de investigación en toda España e moitos dos seus centros realizan neste ámbito un labor punteiro, sendo pioneiros en diferentes especialidades como oncoloxía, cardiología, endocrinoloxía, ginecología e neurología, entre outras.