A Policía Local de Marín impartiu nos últimos días as Xornadas de Educación Viaria en todos os centros educativos do municipio.
A deste mércores tivo como protagonista ao alumnado do CPR A Inmaculada e desenvolveuse no Parque Eguren.
As sesións están dirixidas ao alumnado de 6º de Primaria e combinan unha parte teórica sobre seguridade viaria e bo comportamento peonil cunha parte práctica con karts.
Ademais, os alumnos tiveron a oportunidade de ver como funcionan os vehículos e medios policiais.