A Xunta outorgará a medalla de ouro de Galicia á princesa Leonor, como culminación ao seu ano de formación militar na Escola Naval de Marín.
O acto terá lugar o próximo 14 de xullo e, posteriormente, o 16 de xullo, coincidindo coa festividade da Virxe do Carme, tamén será nomeada filla predilecta de Marín.
O goberno galego imporá esta distinción á princesa Leonor como forma de "mostrar o afecto e o respecto" do pobo galego á herdeira á coroa.
As medallas de ouro de Galicia constitúen o máximo recoñecemento que o Executivo autonómico entrega a personalidades, colectivos ou institucións polos seus méritos ao servizo da comunidade en calquera ámbito da vida social, cultural ou económica.
A imposición da medalla, por motivos de axenda da princesa, terá lugar o próximo 14 de xullo, mentres que o resto de premiados recibirán o seu galardón na data habitual, o 24 de xullo.
Precisamente, a princesa Leonor regresou este luns a España tras permanecer cinco meses a bordo do buque escola Juan Sebastián Elcano.
O cruceiro de instrución de Elcano terminará a súa travesía en Marín o 13 de xullo.
Acabará así á etapa de formación naval de Leonor de Borbón, quen, tras o verán, volverá estrear uniforme e compañeiros no Exército do Aire na Academia de San Javier, en Murcia.
Engade Pontevedra Viva como fonte preferida de Google de balde
Mantente informado coas últimas noticias de actualidade.