Durante a noite deste venres producíase un accidente na Rúa Pedro Soto Couselo, en dirección a Campelo, no municipio de Poio.
O sinistro provocaba danos nun farol. O condutor do vehículo decidiu non comunicar o sinistro e dábase á fuga do lugar do suceso.
Os axentes da Policía Local actuaron con rapidez e lograban localizar durante as últimas horas o turismo involucrado no accidente nun depósito dun guindastre privado.
A Policía Local de Poio tramitou unha denuncia por abandonar a zona sen comunicar o accidente e por condución temeraria ao empregar unha velocidade inadecuada na vía nunha zona limitada a un máximo de 30 km/h poñendo en risco aos usuarios da vía.
Ademais, reclámase ao condutor o pago dos danos causados no farol, pertencente ao mobiliario urbano.