A empresa Viaqua iniciará este martes os traballos para instalar un sistema de iluminación ornamental na coñecida como fonte dos nenos.
O portavoz do goberno local de Pontevedra, Raimundo González, informou este luns que a concesionaria do servizo municipal da auga investirá uns 57.500 euros nesta actuación que estaba comprometida no novo contrato.
Instalaranse 84 proxectores de luz e utilizaranse uns 600 metros de cableado. O sistema de iluminación estará regulado por un cadro de control.
Raimundo González sinalou que a nova iluminación tamén servirá para lucir distintas cores para conmemorar datas especiais.
A estrea desta mellora está prevista para o próximo día 22 de marzo, coincidindo coa celebración do Día Mundial da Auga.