O mundo das letras está de loito pola morte dun dos poetas galegos máis universais, Carlos Oroza. Faleceu na noite deste sábado no hospital Álvaro Cunqueiro de Vigo, onde estaba ingresado tras agravarse a súa enfermidade, segundo informa o xornal Vigoé.
O poeta faleceu aos 93 anos en Vigo, a cidade na que levaba anos residindo a pesar de ser natural de Viveiro, en Lugo. Durante todos estes anos mantivo fortes vínculos coa cidade de Pontevedra, á que lle gustaba visitar con frecuencia e a que lle rendeu homenaxe bautiznado co seu nome un centro educativo.
O Centro Integrado de Formación Profesional Carlos Oroza mantiña vínculos co poeta e era habitual verlle nos actos organizados no centro da avenida Montecelo. O ano pasado asistiu a varios deles.
Entre as súas obras atópase Eléncar (Tres Catorce Diecisiete, 1974); Cabalum (Ediciós do Castro, 1980), Alicia (1985); Una porción de tierra gris del norte (1996); En el norte hay un mar que es más alto que el cielo (1997); La llama prestada (1998) ou Un sentimiento ingrávido recorre el ambiente (2006).