O Concello da Illa de Arousa anuncia a súa adhesión á Rede Española de Cidades Saudables, que depende da Federación Española de Municipios e Provincias. Esta decisión supón que o goberno local asume o compromiso de poñer a saúde e a promoción de hábitos de vida sa como unha prioridade na axenda política.
Como consecuencia levará a cabo a transformación de espazos públicos coa intención de adaptarse á filosofía da seguridade viaria e da mobilidade sostible priorizando a presenza de peóns. O goberno local indica que estas medidas xa se están executando nas obras da Avenida Castelao e tamén na Praza do Regueiro.
O reto conleva a creación de novas zonas que fomenten a actividade social, a igualdade e a inclusión. Os recursos serán requiridos a outras administracións que permitan a executar proxectos en espazos que mellorarán a saúde da poboación da Illa.
Desde o goberno que lidera o alcalde Carlos Iglesias trabállase na redacción de varios proxectos para presentar na próxima convocatoria de subvencións que realice a Rede Española de Cidades Saudables nas que se fomenta a creación de infraestruturas públicas que permitan a realización de actividade física ao aire libre, fomento da bicicleta e roteiros seguras e accesibles para os viandantes.
Tamén se adoptarán medidas nestes proxectos para acougar o tránsito de vehículos na contorna de centros escolares do municipio.