Marín xa empeza a cheirar a flores. Un grupo de veciños do municipio están inmersos desde hai días na preparación de todos os materiais que necesitarán para a confección das tradicionais alfombras florais que decorarán as súas rúas durante a celebración do Corpus Christi. Como vén sendo habitual, reúnense cada día nas inmediacións do Templo Antigo de Marín para separar e clasificar os adornos naturais.
E todo para chegar a tempo aos actos previstos para esta celebración litúrxica. Serán o domingo 2 de xuño, a partir das 11.00 horas. ÿ o momento previsto para que se celebre a misa de Corpus no Templo Novo de Marín. Trala súa finalización comezará a procesión que irá percorrendo sucesivamente as rúas Concepción Arenal, Méndez Núñez, Real, Sol e de novo por Concepción Arenal para regresar á igrexa, onde se levará a cabo a bendición solemne.