A Consellería de Educación e os sindicatos estudantís coinciden en sinalar que o absentismo entre o alumnado de terceiro foi similar ao da proba de sexto.
É dicir, desde a Xunta cifra en torno ao 40% os escolares de terceiro de primaria que non acudiron a clase, o que cualifica como unha "alta participación". Pola súa banda, a Plataforma en Defensa do Ensino Público de Galicia sitúa no 68% os nenos que quedaron nas súas casas, unha estimación que CIG-Ensino eleva ata o 82% e que superaría ao rexistro alcanzado polos seus compañeiros de sexto.
Do mesmo xeito que sucedeu na anterior ocasión, o absentismo foi moito máis elevado nos colexios públicos, xa que nos centros privados a asistencia foi maioritaria.
Desde a Consellería de Educación insisten en que "como xa quedou demostrado o curso pasado", esta proba é un "complemento" no proceso de aprendizaxe e de ensino que ten como finalidade "anticiparse na resolución de posibles problemas que se detecten e aplicar medidas correctoras para atallalos".
Pola súa banda, desde as organizacións convocantes CIG-Ensino, CCOO, FETE-UXT, CONFAPA, Sindicato de Estudantes, IESGA e Escola Viva, indicaron que boa parte dos alumnos que acudiron hoxe a clase foron polas dificultades de conciliación das súas familias xa que non poden quedar sós en casa e reiteraron os seus argumentos contra estas probas que sinalaron como "inútiles, estériles e pretenden jerarquizar e discriminar" aos alumnos "socialmente máis desfavorecidos".