A Xunta de Goberno do Concello de Pontevedra celebrada este luns adxudicou a compra de dous videomarcadores de tecnoloxía led para o Pavillón municipal de Deportes que se complementan con pantallas perimetrais.
A adxudicataria é a empresa Mondo Ibérica que ofertou un prezo de 193.366 euros.
Os traballos de montaxe de todo este equipamento ocuparán catro semanas. A empresa ofreción tamén unha ampliación da garántía de 10 anos máis.
Esta adaptación tecnolóxica do Pavillón municipal de Deportes permitirá a organización de eventos de categoría nacional e internacional.
Ademais da súa versatilidade como videomarcador multideporte (baloncesto, balonmán, fútbol sala, voleibol…), estes sistemas supoñen a posta en marcha dunha canle de comunicación para aqueles recintos deportivos onde se instalan xa que se poden proxectar mensaxes, vídeos, animacións e toda clase de contidos multimedia.
As pantallas contan cunha altísima resolución, o seu deseño é modular e o seu manexo é realmente sinxelo, non necesitando persoal externo para a súa xestión.
Como ademais pódense integrar anuncios publicitarios, estes videomarcadores led convértense ademais nunha nova fonte de ingresos para os responsables do recinto sen ter que investir e actualizar soportes físicos como pancartas ou carteis, que ademais carecen de animación ou interactividade.