O comité clínico que asesora á Xunta de Galicia na xestión da pandemia provocada pola covid-19, pola súa banda, vén de acordar na súa reunión deste martes o establecemento do nivel máximo de restricións nos concellos de Mos e A Pobra do Caramiñal.
Así mesmo, o comité tamén determinou o nivel alto de restricións nos municipios de Ordes e Viveiro. Ademais, as medidas do nivel medio serán de obrigado cumprimento nos concellos de Moraña, Ponteareas, Cenlle, Lobios, O Barco de Valdeorras, Ribeira, Boiro, Oroso, Xove, Vilalba e Monforte de Lemos.
Moraña será, por tanto, o único municipio da área sanitaria con restricións especiais. Nel, a hostalería só poderá ocupar o 30% dos seus espazos interiores e nas súas terrazas poderán ocupar o 50% do seu aforo.
No resto dos concellos galegos estarán vixentes as restricións fixadas no nivel medio baixo.
Todas estas medidas entrarán en vigor ás 00:00 horas do vindeiro sábado 5 de xuño.