O colectivo ecoloxista Vaipolorío retoma a súa colaboración como entidade acreditada pola Dirección Xeral de Xuventude, Participación e Voluntariado da Xunta de Galicia para participar en proxectos de voluntariado europeo.
A participación do colectivo pontevedrés será a través de Ticket2europe, acreditada como entidade coordinadora.
A primeira das colaboracións será este sábado 28 de abril. Dous mozos de Marrocos e Armenia realizarán no río Gafos traballos de control e erradicación da especie exótica e invasora Cortaderia selloana, coñecida como 'herba da pampa'.