Que unha festa que, como recalca o goberno local, "está pensada para gozar durante o día" se poida conciliar co descanso da veciñanza.
Ese é o motivo polo que, de cara ao próximo San Migheleiro, haberá límites á música na rúa.
Ata dezasete locais de hostalería solicitaron poñer música durante a festa, ben sexa con altavoz ou con DJ, polo que o Concello acordou autorizala por zonas e con limitación horaria.
Así, autorizaranse catro horas en conxunto para os bares dunha mesma zona e tres para aqueles bares que estean máis illados.
O que se procura coas autorizacións é zonificar a música na rúa para que non se colapsen varios DJ na mesma zona, tendo música a un elevado volume durante moitas horas seguidas.
É unha das medidas que se acordou na reunión informativa mantida polo goberno municipal coa hostalaría de cara a coordinar a celebración este sábado do San Migheleiro.
A música na rúa deberá rematar ás 01:00 horas e non poderá habela entre as 15:00 e as 17:00 horas, para respectar o horario de comidas e descanso.
O obxectivo é poder celebrar a festa coa diversión que a caracteriza, pero tendo en conta que San Migheleiro tiña unha filosofía de ruta que a día de hoxe está "desvirtuada" debido, precisamente, á cantidade de horas seguidas de música enlatada que se veñen solicitando.
O Concello busca así que se revitalice o movemento entre os locais e que se poida desfrutar da festa durante o día e ata a noitiña, e non tanto na madrugada, por ser unha festa que arranca antes das doce do mediodía.