O alcalde de Pontevedra, Miguel Anxo Fernández Lores, enviou unha mensaxe de solidariedade co pobo mexicano ante o sismo rexistrado durante as últimas horas, de 7,1 graos, que provocou máis de 200 mortes.
Fernández Lores manifestaba que se senten moi preocupados ante esta catástrofe natural e máis neste caso porque en Cidade de México tanto o alcalde como un grupo de empresarios da cidade realizaron unha misión comercial a finais de agosto establecendo contacto con numerosas persoas ao longo de dez días.
"Moito ánimo a todos os mexicanos", comentaba o alcalde da cidade, que agardaba que fora menos grave que a que sufrira a Cidade de México hai 32 anos cando se rexistraron milleiros de mortos. "Estamos en contacto e solidarizándonos con eles", indicou Fernández Lores en referencia ás persoas que coñeceron na viaxe ao país de América meridional.