Un novo programa integrado nas Festas de Verán de Pontevedra deu comezo este martes. Trátase do Animatrón, unha oferta de xogos e actividades de lecer para os máis pequenos que encheu de diversión o parque das Palmeiras.
Así, os máis pequenos teñen unha cita obrigada con este programa aberto de lecer infantil que promove o Concello de Pontevedra.
Durante tres horas, entre as 18.00 e as 21.00 horas, hai actividades de animación con zancudos, pallasos o monociclistas, actuacións con xogos musicais ou de maxia e obradoiros temáticos.
O Animatrón estenderase ata o próximo venres 4 de agosto.