Sete rúas da cidade experimentarán a próxima semana un cambio no seu aspecto.
En todas elas están previstos traballos de asfaltado para solucionar as deficiencias que presentan as súas respectivas calzadas.
Todas estas obras desenvolveranse entre o 31 de xullo e o 5 de agosto, segundo explicou este mércores o alcalde de Pontevedra, Miguel Anxo Fernández Lores.
Unha das actuacións máis agardadas, o asfaltado de Ribeira dos Gafos, farase o próximo venres 2 de agosto, segundo consta na planificación aprobada pola Xunta de Goberno.
O resto de rúas nas que se actuará nesta nova xeira de actuacións de mellora son o Camiño Vello de Castela, Ponte Nova, Otero Pedrayo desde a estación de autobuses ata O Marco, a Rúa da Seca na intersección coa ponte do tren, Bibiano Osorio y Tafall e Ramón Peña.