A Fundación Provincial Banco de Alimentos mobilizará esta fin de semana a un centenar de voluntarios para levar a cabo a campaña "Maio Solidario" organizado por Gadis en distintos supermercados de Pontevedra e Vilagarcía.
Por segundo ano consecutivo, voluntarios da ONG colaborarán coa súa presenza nesta acción solidaria regalando catro horas do seu tempo a favor das persoas máis desfavorecidas.
A entidade provincial necesita, sobre todo, produtos básicos como aceite, galletas, cacao, leite e todo tipo de conservas. Con todo, e como sempre, calquera doazón é benvida.
Durante 2017, a Fundación Provincial Banco de Alimentos de Vigo repartiu en Pontevedra e comarca uns 270.000 quilos de comida durante 2017.