Estender o modelo urbano "a todo o territorio municipal" será unha das bases do programa do Bloque Nacionalista Galego na próximas eleccións municipais.
Así o estableceu o equipo da candidatura encabezada polo actual alcalde, Miguel Anxo Fernández Lores, nunha reunión de traballo celebrada hai poucos días.
Entre as propostas que formula o BNG e que incluirá no seu programa electoral encóntrase a creación dun 'eixo-bulevar' de sur a norte, é dicir dende Salcedo ata Alba, no que se impoñería tráfico calmado e características urbanas.
O mesmo se pretende realizar no eixo este-oeste de Salcedo a Marcón ou na antiga estrada a Ponte Caldelas entre San Amaro e A Ermida.
Ademais acordouse realizar o estudo e deseño dunha rede peonil interparroquial "que recupere camiños tradicionais e manteña as súas características".
Por último a candidatura nacionalista incluirá entre os seus obxectivos converter a Pontevedra "nun referente no tratamento, recuperación e reutilización dos residuos" coa creación da polémica planta de compostaxe.