O curso escolar comezará uns días máis tarde no CEIP O Caballal de Marín.
O motivo son as obras de mellora e eficiencia enerxética que se están acometendo no centro e que se viron lixeiramente atrasadas debido ao contexto actual de pandemia, ao ter que adoptar os protocolos establecidos de limpeza, desinfección e prevención.
Desta forma, as clases non comezarán neste centro educativo ata o día 16 de setembro, segundo confirmou a alcaldesa María Ramallo nunha visita a colexio acompañado do xefe territorial de Educación da Xunta de Galicia en Pontevedra, César Pérez Ares.
Esa data coincide por tanto co día marcado para a volta ás aulas do alumnado de secundaria.
A reincorporación no CEIP O arballal levarase a cabo de maneira progresiva, estando previsto que nos próximos días remítase a información correspondente ás familias.
Ademais, tal e como explicou a concelleira de Educación, Marián Sanmartín, o centro escolar ten todo preparado para que cando arrinquen as clases tamén o fagan dúas dos servizos que presta, o Plan Madruga e o comedor.
Nas obras que se levaron a cabo no CEIP O Carballal investíronse 656.817 euros nunha actuación en favor da eficiencia enerxética, mellorando o illamento exterior e instalando novas xanelas e persianas.