O Concello de Pontevedra, a través da Policía Local, levou a cabo un control da cantidade de vehículos que circulan pola zona dos Campos na parroquia de Mourente onde esta semana presentouse o proxecto de reforma para esta zona con medidas de seguridade viaria, coa instalación dos polémicos "lombos".
Segundo sinala o goberno local, entre o 29 de setembro e o 1 de outubro, sen que se realizasen medicións de días completos, o número de vehículos contabilizados nesta zona foron 18.933 e a intensidade media de vehículos diarios que circulan polos Campos é de 9.538.
Por ese tramo transitaron durante eses días 18.199 turismos, 524 camións e furgonetas e 173 motocicletas e ciclomotores. Segundo os datos recolleitos pola Policía Local, máis do 47% dos vehículos (7.158) circulan a unha velocidade superior ao 40 km/h, detectando dous turismos que chegaron a superar os 120 km/h e 3 a máis de 90 km/h.
O Concello alerta de que a partir do 40 km/h. o risco de morte nun atropelo é do 22% e increméntase a un 70% no caso de circular a máis de 50 km/h, mentres que a partir de 70 km/h as probabilidades de falecemento sitúanse nun 100%.